TERITORIO
 

La Euregiono Mozo-Rejno estas translime kunlaboranta, kulture richa komunumo, ene de la Europa Unio.

La Euregiono Mozo-Rejno konsistas el la belgaj provincoj Limburgo (800.000 enloghantoj) kaj Liegho (1 miliono da enloghantoj), el la suda parto de nederlanda Limburgo (700.000 enloghantoj), kaj el la subregiono Akeno (parto de la distrikto Kolonjo, kun pli ol 1 miliono da enloghantoj).

Tiu trilingva regiono, kie lingvaj kaj naciaj limoj ne kongruas, travivis longan komunan historion. Kontakt-punkto inter tri gravaj kulturaj fluoj, la Euregiono Mozo-Rejno celas Eùropan Unuighon.

HISTORIO

Jam de antaù la dua mondmilito, esperantistoj el la tri najbaraj landoj kutimis renkontighi. Ili ofte biciklis kaj tranoktadis unu che la alia. El tio naskighis la tiel nomataj Trilandaj Renkontighoj, kiuj ankoraù nun chiujare (printempe kaj aùtune) okazas en tiu regiono. Chiu el la regionaj esperanto-grupoj (Akena, Marnolanda, Verviersa,...) siavice organizis la Trilandajn Renkontighojn.

Plurfoje, grupeto da volontuloj klopodis starigi ian konstantan organizan komitaton, kun pli-malpli mallonga sukceso. Tiel, iom post iom, naskighis la ideo transiri de Trilanda Renkontigho al trilanda asocio.

Tiu-chi fondighis la 17-an de oktobro 1993, okaze de historia Trilanda Renkontigho en Kelmis (Belgio), renkontigho kies temo estis la iama esperantista projekto pri (esperantlingva) shtato en proksima Neùtrala Moresnet. Unu jaron poste, okaze de alia Trilanda Renkontigho, chi-foje en Comblain-au-Pont (Belgio), la dua ghenerala Asembleo de la membroj aprobis la definitivan statuton kaj la internan funkciadon de la Asocio.

EL LA STATUTO

• ART. 1. - La asocio Senlime celas plifortigi la interpopolan interkomprenighon helpe de la internacia lingvo esperanto, precipe en la Euregiono Mozo-Rejno. Ghia nuna sidejo estas: Tienbundersweg 38, NL-6321 CR WIJLRE.
• ART. 2. - 1. Membro estas chiu esperantisto loghanta en la Eùropa Unio, kiu interesighas pri la Euregiono Mozo-Rejno kaj kiu apogas la asocion [...].
• ART. 7. - La administra komitato konsistas el membroj, laùeble reprezentantaj chiujn grupojn, kaj esperantistoj pretaj aktive kunlabori kun la asocio (ekzemple organizante Trilandan Renkontighon) en ghia regiono.

ORGANIZO

• La Asocio estas estrata de la Ghenerala Asembleo(1), kunvenanta chiujare okaze de Trilanda Renkontigho, sed la chiutaga vivo de la asocio estas prizorgata de komitato (kunvenanta chiun duan monaton), kiu konsistas el:
  • tri sekretarioj (unu por chiu lingvo), inter kiuj unu ghenerala sekretario;
  • tri kasistoj (unu por chiu lando), inter kiuj unu centra kasisto;
  • aliaj konstantaj kunlaborantoj (pri taskoj kune difinitaj).
• Unu el la chefaj taskoj de la komitato estas la organizado de la Trilandaj Renkontighoj. La komitato sendas personan invitilon kaj informojn pri renkontighoj kaj pri aliaj asociaj aferoj al chiu kotizanta membro (tiu-chi krome ghuas rabaton okaze de chiu Trilanda Renkontigho).

GRUPOJ

Esperantista Grupo Verviers (BE)

Liège-Esperanto (BE)

Esperanto-Rondo Aachen (DE)

Marnoland-Grupo (NL) 

KOTIZO

Membrigho validos nur post pago de la kotizo: informojn pri tio vi legu sur la paghoj "informilaro"...